عودة

ها أنا عائدٌ إلى المنزل... سأقابلُ ليلى وأسرتها بعد قليل، أتذكّر آخر مرةٍ رأيتكِ فيها يا ليلى... كنتِ شاحبةَ الوجه، زائغة العينين... أمّا أنا فكنتُ أحمل أمتعتي تاركاً المنزل لأرحلَ بعيداً عن الوطنِ والأهل... كان يومُ شتاءٍ قارس البرودة، ولكن برودته كانت أدفى كثيراً من جمودِ قلبي... وجدُتها في انتظاري أمام البوابة وكأنّها تعلم ساعة رحيلي في الفجر... قالت والدّموع في عينيها: -خالد إنت برده مصمّم تعمل اللي في دماغك؟! -إنت كمان يا ليلى حتقفي في طريقي...؟! أنا لازم أمشي. -بسهولة كده تسيب أهلك وناسك والناس اللي بحبوك؟ -معلش يا ليلى... حنبقى نتراسل... ونعرف أخبار بعض أكيد. -ياه... كل اللي بنّا بقى مجرَّد سطور على ورق...! كل فين وفين نكتب ونبعت ونقرا...!