الامتياز التجاري

الحقيقة أصدقائي لما نتكلم على الامتيازات التّجارية هنتكلم عليها من خلال نقاط محددة: لو أنا عايز أعمل المشاريع الصّغيرة أو رواد الأعمال زي ما بنقول، عايز أفتح محلّ صغير في منطقة سكنية،وأبتدي أكبره، وهنا هتكلم إزاي أخد الامتياز التّجاري من شركات محلية، وهو الأمر طبعًا الأسهل والأبسط. وهنتكلم كمان على المستوى الأعلى من كده، وهو إزاي أقدر أجيب مُنتج من بره، ليه علامة تجارية شهيرة، أو حتى مش علامة تجارية شهيرة، بس هو عامل ابتكار قوي، أنا شايف من دراستي للسوق المحلية إن هو يكسّر الدّنيا لو جه، وفي الحالتين هنشوف إزاي نوصل للشركات دي؟ وإزاي ندرس السّوق الدّاخلي؟ وإزاي نكتب عقود قانونية؟ وإزاي نحصل على التّمويل اللازم لهذا المشروع؟ وهنبدأ عرضنا بمقدّمة في إدارة نظم الامتياز التّجاري، هنتعرف على تعريف الامتياز التّجاري لغويًا، تجاريًا، قانونيًا، هنشوف أهم المصطلحات إللي لازم نبقى فاهمينها؛ علشان نقدر نتكلم بعد كده بطلاقة عن الامتيازات التّجارية، وده من خلال النقاط التالية: وبعد كده - إن شاء الله - نتعمق أكتر في التّفاصيل، هنشوف بعض إحصائيات الامتياز التّجاري في العالم والشّرق الأوسط ومصر، هنشوف الأركان الأساسية لإدارة نظم الامتياز التّجاري، هنعرف إن في الامتياز بيمنحه لمين؟ للحاصلين على الامتياز؛ علشان يضمنوا حقوقهم ويكتبوا عقد الامتياز، ويدفع إللي حصل على الامتياز رسوم الامتياز، وفي المقابل بياخد من مانح الامتياز حزمة الامتياز، ويحددوا مع بعض ما هي منطقة الامتياز؟ وأخيرًا هنشوف بسرعة برنامج تطوير نُظُم الامتياز التّجاري.