كيف يتفاوض العظماء

الثعلب. ذكي جداً؛ مش كده؟ ليه؟ لأنه محلل جداً Be Like a fox؛ خليك زي الثعلب كده في التفاوض. علشان كده لو تلاحظوا حضراتكم.. إحنا كتبنا التفاوض فن التعامل مع الآخرين. ده انا لازم كمان أقرأ لغة جسدهم؛ عشان لما يحلفلي إن هو السلعة دي واقفة عليه بـ100 دولار ويلمس وشه وهو بيتكلم اعرف انه كذاب. أو يبص فوق يمين؛ اعرف انه كذاب. أو يفرد أيده يحطها على صدره. اعرف انه صادق.! فأنا لازم أصدقائي الأعزاء أبقى داخل التفاوض انا محلل. يعني ايه محلل؟ يعني بجمع معلومات قبل ما أروح أتفاوض؛ عن سعر هذه السلعة من مزود خدمة ما, أو محلٍ ما، ويكون ده هو أول محل تدخله أو حتى تاني محل. لا. أنا لازم ألف لفة حلوة أجيب كل المعلومات أشوف الأسعار المختلفة علشان اقدر أجمع معلومات وأحدد في دماغي. هتصرف ازاي؟ بعد جمع المعلومات بيجي التخطيط الجيد؛ الذي يتطلب ايضاً إن حضرتك تكون محللاً جيداً. هبتدي إزاي؟ ما هي الحيل في بداية التفاوض؟ ما هي الحيل أثناء التفاوض؟ ما هي الحيل التي تأتي بعد المفاوضات؟ ايه ده! بعد المفاوضات ما تخلص وأخدت القميص بالسعر اللي أنا عايزه لازم أعمل حيل؟ اه طبعاً… ليه؟ هنعرف مع بعض إن شاء الله من خلال الصفحات التالية.