روشتة الكوتش

الهدف من الكتاب هو نفس الهدف من سلسلة فيديوهات روشتة الكوتش.. وهو المناقشة في الموضوعات المتكررة في حياتنا الاجتماعية والشخصية واللي دايما بنكون محتاجين نفهم نتعامل معاها إزاي. الحياة مش جنة محدش فينا عايش حياة جنة وكلها سعادة ولو قولتلك إن كل روشتة من روشتات الكوتش هتوصلك إنك عايش في سعاده متناهية أكون بخدعك. إحنا بس هدفنا إننا نتنتاقش في كل موضوع ونتعلم إزاي نتعامل معاه بشكل متزن. ف مثلا لما هنتكلم على الأزمات النفسية مش هقولك إزاي تعيش حياتك من غير أزمات نفسية؟؟!! لا.. هقولك تعالى نعرف( إزاي نتعامل مع الأزمات النفسية ) لإن كده كده كلنا هيقابلنا أزمات هي بس الفكرة إن كل واحد فينا بيكون ليه طريقة معينة في استقبال الأحداث في حياته ف هدفنا في الكتاب إننا نوصل لطرق متزنة في استقبال كل الأحداث اللي ممكن تقابلنا ف حياتنا سواء كانت فقد.، خذلان، خيانة ، توتر وقلق وهكذا.. ف خلينا نبتدي.