الأمير الصغير

لما كنا صغيرين، كلنا حلمنا بحاجات كتير... فينا إللي حلم إنه يبقى رسام، واللي حلم يبقى موسيقار، واللي حلم يبقى رائد فضاء ويطلع القمر. لكن للأسف كبرنا، ومعظمنا نسينا أحلامنا، ونسينا حتى إننا في يوم كنا بنحلم، ومابقيناش فاكرين قد إيه زعلنا أوي من أهالينا إنهم ماشاركوناش خيالنا ومافهموش أحلامنا وماساعدوناش إننا نوصل لها. عشان كده إحنا محتاجين في حياتنا قصة زي الأمير الصغير عشان تفكرنا باليوم إللي كان فيه خيالنا واسع وكان عندنا أحلام، وتفكرنا كمان إن النهارده جه دورنا إننا نرجع للسحر إللي كان في طفولتنا عشان نعرف نقرب من أولادنا ونفهم فكرهم ونساعدهم إنهم يحققوا إللي هما عايزينه في حياتهم عشان يعيشوا مبسوطين. وأنا حبيت أترجم الرواية بالمصري عشان أخليها تقرب لكل الناس وتبقى سهلة للصغيرين وكمان ممتعة للكبار. هكتور